20
январь
2023
"Бар білімге бас болған- әліппе ғылым анасы"
20 қаңтар күні "Бар білімге бас болған- әліппе ғылым анасы" атты бастауыш сынып мұғалімдерінің апталық жоспары бойынша мектепалды даярлық тобының тәрбиешісі Досономанова Жанар Қуатқызының ұйымдастыруымен даярлық тобының оқушылары " Мақта қыз бен мысық" ертегісін сахналады. Аталған іс-шара оқушылардың көркем шығармаға, соның ішінде қазақ ертегілеріне деген қызығушылығын арттырып, ой- қиялын дамыту мақсатына бағытталды. Оқушылар арнайы кейіпкерлер киімін киіп, өздеріне берілген рөлді жақсы сомдап, сахнаның сәнін келтірді. Сонымен қатар балалардың сахнада өзін-өзі ұстауы, сөйлеу мәнері көрермендердің көңілінен шықты. "Талаптыға нұр жауар" деген даналықты тілге тиек ете отырып, балғын балаларға болашақта биік белестерді бағындыратын өнер иесі болуларына тілектеспіз. Оқушылардың шығармашылық қабілеті мен ой-қиялын дамытуға үлкен үлес қосып жүрген ұстаздарға айтар алғысымыз шексіз.