«Бір отбасы – бір кітап» акциясы
27 ақпан күні Ақын Сара атындағы мектеп кітапханасында «Оқуға құштар мектеп» жобасы аясында «Бір отбасы – бір кітап» акциясы бойынша «Түрлі түсті кітаптар әлеміне саяхат»атты әдеби кеш өтті.Кешке 3 а сынып оқушылары мен сынып жетекшісі Байғанышева Бақыт Советбекқызы ата-аналарымен қатысты .
Оқушылар кітап иллюстрацияна қарай қызыл,көк,сары,жасыл төрт түске бөлініп,өздері оқыған кітаптарының мазмұндап пікірлерін білдірді.
Ата –аналары да жанұя болып оқыған кітап оқиғаларының тәрбиелік мәніне тоқталып қысқаша мәлімет берді.
Кітап – адамзат баласының сан ғасырлық ақыл-ойының, оқу арқылы жетілуінің, кемелденуінің арқасында қол жеткен дамылсыз даму үрдісінің жемісі, өткен тарихы мен өмірлік тағылым-танымының алтын сандығы.
Ғабит Мүсірепов: «Кітап дегеніміз – алдыңғы ұрпақтың кейінгі ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік» – деуі осыдан. Бұл – әрбір адамның білігі мен білім деңгейін, пайымы мен парасатын, көреген кемел кісілігін ұдайы шынықтыра білудің озық та ұтқыр жолдарын айқындай алатын алғы шарттарының бірі.
Кеш соңында оқушылар 1-наурыз алғыс айту күніне орай алғыстарын айтты.